A proxección da imaxe de cidade a través do cine: Ourense en Los Girasoles Ciegos

Resumen

Co obxectivo de labrarse unha imaxe e atraer turismo, cidades, rexións, comunidades autónomas e ata países no seu conxunto protagonizan accións de comunicación nas que tratan de amosar as súas potencialidades como destino de descanso e diversión. Afastándose da clara finalidade persuasiva e comercial da publicidade, neste artigo proponse o cine como vehículo idóneo para amosar as posibilidades e características dun territorio a través dunha linguaxe máis relaxada e visual, ademais de tinguirse do valor engadido de acoller unha historia fílmica cos seus respectivos personaxes. Esta investigación céntrase no caso concreto da rodaxe da película Los Girasoles Ciegos na cidade galega de Ourense e como a proxección contribúe a crear unha imaxe bastante real (sen case alteracións) da zona histórica, ofrecendo ao espectador unha lectura fidedigna do que se pode atopar nunha das urbes do interior de Galicia con grandes potencialidades turísticas, sobre todo no eido cultural e termal.